AKR e gatshme për të hyrë në koalicion me LDK-në, thonë se duhet ndihmuar formimin e Qeverisë

HomeLajme

AKR e gatshme për të hyrë në koalicion me LDK-në, thonë se duhet ndihmuar formimin e Qeverisë

Dy ditë më parë, Lidhja Demokratike e Kosovës ka bërë të ditur se ekziston vullneti i Këshillit të Përgjithshëm të kësaj partie për marrjen e mandatit

LAJMI I FUNDIT: Publikohet rezultati 24 orësh, kaq të infektuar janë në Kosovë
Pasojat e pandemisë së COVID-19, 30 për qind e bizneseve në Kosovë kanë zvogëluar numrin e punëtorëve
Rudari apelon te qytetarët e Podujevës të shmangin daljet në parqe dhe në Liqenin e Btllavës

Dy ditë më parë, Lidhja Demokratike e Kosovës ka bërë të ditur se ekziston vullneti i Këshillit të Përgjithshëm të kësaj partie për marrjen e mandatit për formimin e Qeverisë në një koalicion të mundshëm me Aleancën për Ardhmërinë e Kosovës, Nismën Socialdemokrate, Aleancën Kosova e Re dhe partitë që përfaqësojnë komunitetet joshumicë në Kuvend.

Pas deklaratës së LDK-së, të gatshëm për të kontribuar në formimin e Qeverisë janë shprehur Aleanca Kosova e Re.
Sekretari i Përgjithshëm i AKR-së, Vesel Makolli ka thënë për Telegrafin se në situatën në të cilën gjendet vendi, askush nuk ka të drejtë të bllokojë formimin e Qeverisë.

“AKR gjithmonë e ka pas edhe e ka interesin e shtetit para se gjithash. Vendi gjendet në një thuajse vakum institucional. E kemi situatën e pandemisë së gripit COVID-10, e cila e ka kapluar botën, andaj Qeveria duhet të ndërmarr dhe inicioj shumë vendime e procedura legjislative për të cilat nuk ka kompetenca, pasi që është Qeveri e shkarkuar nga Kuvendi me shumicën absolute të votave. Pse kemi ardh në ketë është tjetër pyetje, të cilës duhet t’i përgjigjeshin koalicioni qeverisës. Duke marrë parasysh të gjitha këto, e sidomos interesin e përgjithshëm, duhet të bëhet një zgjidhje konform legjislacionit dhe Kushtetutës”, tha ai.

Makolli pohoi se të gjitha partitë pozitë dhe opozitë duhet t’i lënë anash interesat e tyre dhe inatet për të dalë nga kjo situatë.

“Askush nuk ka të drejtë t’i bllokoj veprimet për formimin e Qeverisë konform Kushtetutës. Ne këtë Qeveri e kemi votuar duke dhënë shembull bashkëpunues kur janë interesat e shtetit në pyetje. Të njëjtën gjë do ta bëjmë edhe tash, do të kontribuojmë në formimin e Qeverisë, pasi që e shohim të domosdoshme dhe për interesa madhore të qytetarëve të Kosovës”, deklaroi Makolli për Telegrafin.
Sekretari i Përgjithshëm i Aleancës Kosova e Re, Vesel Makolli

I pyetur se a ka ndonjë kusht AKR për të qenë pjesë e Qeverisë, Makolli pohoi se në këtë situatë askush nuk duhet të parashtroj kushte.

“Nëse do të ketë të mandatuar për formimin e Qeverisë, ne do të japim kontributin tonë për formimin e Qeverisë, kuptohet konform rregullave legjislative dhe Kushtetutës. Asnjë parti që do të bëhet pjesë e qeverisë eventuale, në këtë situatë që gjendemi nuk duhet të parashtroj kushte maksimalisht, gjegjësisht nuk duhet të keqpërdoret kjo gjendje për të kërkuar diçka, çka nuk është pandan me realitetin ndërpartiak. Kosovën duhet ta kemi mbi të gjitha”, theksoi Makolli.

COMMENTS

WORDPRESS: 0
DISQUS: 0