Kurti në Janar të 2019-ës: Hashim, ka ardhur koha të shkosh në kurthin që vetë ia ngrite Ushtrisë Çlirimtare

HomeLajme

Kurti në Janar të 2019-ës: Hashim, ka ardhur koha të shkosh në kurthin që vetë ia ngrite Ushtrisë Çlirimtare

“Burgu nuk është tragjedi dhe fatal. Sidomos ky i Hagës. Besoj që Ramushi, Fatmiri e Batoni të kanë treguar: aty ka televizor, ushqim të mirë tre herë

Besimtarët musliman iu kthehen xhamive!
Një i shëruar dhe tri raste të reja me COVID-19 – shkon në 227 numri i të infektuarve në Kosovë
Pavarësisht Speciales, Serbia vazhdon me aktakuza ndaj ish-luftëtarëve të UÇK-së, Kosova e pafuqishme t’i ndalë

“Burgu nuk është tragjedi dhe fatal. Sidomos ky i Hagës. Besoj që Ramushi, Fatmiri e Batoni të kanë treguar: aty ka televizor, ushqim të mirë tre herë në ditë, salla për rekreacion dhe libra të panumërt në bibliotekë të pasur. Nuk të ndodh asgjë e keqe atje, përveç faktit që do të kesh kohë të përballesh me ndërgjegjen tënde, të cilën kushedi sa vite ka që nuk e takon më. Shko Hashim”.

Dje u bë e ditur se Gjykata Speciale ka ngritur aktakuzë kundër presidentit të Kosovës, Hashim Thaçi dhe kryetarit të PDK-së, Kadri Veseli.

Për këtë u pyet edhe kundërshari më i ashpër politik i Thaçit, Albin Kurti.

Kryetari i Vetëvendosjes tha se “këto janë pasojat e reja të një problemi të moçëm”.

Por, pak më shumë se një vit më parë, saktësisht në janar të vitit 2019, Kurti kishte shkruar një status të gjatë në Facebook, ku i kërkonte Hashim Thaçit që të shkonte në Hagë.

Madje titulli i shkrimit ishte “shko Hashim”.

“Arritjet dhe sukseset që Kosova i ka pasur falë sakrificave të popullit tonë e të UÇK-së, por edhe falë ndihmës së miqve ndërkombëtarë, u përpoqe t’ia përshkruash vetvetes. Por, kur erdhi puna për të mbajtur përgjegjësi, e mohove UÇK-në, e le në baltë popullin, dhe i tradhtove ata që e mbështetën tradicionalisht Kosovën në arenën ndërkombëtare”, shkruante Kurti.

“Prandaj, ka ardhur momenti që ti të shkosh, atje ku po të thërrasin, në kurthin që vetë ia ngrite ushtrisë çlirimtare, duke ua përdredhur duart deputetëve të partisë tënde e duke na shkelur të gjithëve më 3 gusht 2015. Shko Hashim”./Insajderi.com

COMMENTS

WORDPRESS: 0
DISQUS: 0